पिरतीको झरीमा चुर्लुम्म रुझ्दिनौ तिमी
तिमी आफैं भन कसरी सम्झाउँ तिमीलाई
प्रेमको प्रेमिल भाषा समेत बुझ्दिनौ तिमी।
(Mang Dorje Sherpa)
Friday, 19 August 2022
Saturday, 6 August 2022
गयो जिन्दगी
समयले भाग्य किच्दाकिच्दै गयो जिन्दगी
बिहानै आँखा मिच्दामिच्दै गयो जिन्दगी।
सपना देख्नुपरेपछि सानो त के देख्नु र
महलको फोटो खिच्दाखिच्दै गयो जिन्दगी।
कसैको जिन्दगीमा एक छाक खान धौ छ
घुसियाको घुस घिच्दाघिच्दै गयो जिन्दगी।
Wednesday, 3 August 2022
गल्लीवुड
गल्लीबाटै शुरु भयो मेरो जिन्दगी
गल्लीमै अन्त हुनेछ सायद।
खास लाग्छन् मलाई-गल्लीको
चिया
पानीपुरी
चट्पटे
पान
चुरोट।
खास लाग्छ मलाई-गल्लीको जिन्दगी।
यी गल्लीका ईँटाहरुले मलाई राम्ररी चिन्छन्
यी गल्लीका ठिटाहरुले मलाई राम्ररी चिन्छन्।
यी गल्लीले मलाई स्वीकार्छन् थोत्रा चप्पलमा पनि
यी गल्लीले स्वीकार्छन् मलाई पुराना गन्जीमा पनि।
यी गल्लीमा
पिज्जा-बर्गरले गिज्याउँला भन्ने डर छैन
रेड-लेभल,ब्ल्याक लेभलको मात लाग्छ भन्ने पीर छैन
न त आफ्नो लेभल गिर्ने त्रास छ।
यही गल्लीमा
हाम्रा आँखा जुधेका थिए
हाम्रो पहिलो प्रेमको अंकुरण भएको थियो
नवीन जीवनको श्रीगणेश गरेका थियौं।
यही गल्लीले
हाँस्न सिकायो
रुने अभिनय गरायो
बाँच्ने कला सिकायो।
गल्ली नै मेरो संसार हो
यही संसारलाई नाम दिएको छु-"गल्लीवुड"
गल्लीवुड नै मेरो संसार हो।
(माङ दोर्जे शेर्पा)
Subscribe to:
Comments (Atom)