पिउन नसिकाउ

मलाई पिउन नसिकाउ साथी
मैले जिउन सिकिसकेको छु।
जिउन जानेकाले पिउन जान्दैनन्।

श्रम

कुनै बेला श्रमको मूल्य नहुन सक्छ।अथवा श्रमको मूल्यमा गिरावट आउन सक्छ।त्यसो भन्दैमा श्रम गर्न कहाँ छोड्नु हुन्छ र?

तिम्रो यादको कर्णाली

यो छातीको गल्छी हुँदै
यो मुटुको किनार छुँदै
तिम्रो यादको कर्णाली बगिरहन्छ....

तस्वीरमा ठोकी कतै
क्यानभासमा पोखी कतै
रोकिंदैन रोकेर,चलिरहन्छ
तिम्रो यादको कर्णाली बगिरहन्छ...

मनको भित्ता भत्काउँछ
गहहरु भिजाउँछ
सम्झनाको दियालो बलिरहन्छ
तिम्रो यादको कर्णाली बगिरहन्छ...