परिचालित सिद्धान्त
नियोजित उदेश्य
प्रायोजित कार्यक्रम।
सुगा रटाई-नाराहरु!
स्वतन्त्रता र स्वाधिनताको अभियान्ता
स्वयं स्वतन्त्र छैन
माकुरी जालमा छ
कसैको स्वार्थको कारागारमा छ।
अरुकै स्क्रीप्टमा अभिनय
अरुकै गीत गायन
सीमा र सिमितता छन्।
चोरिएको वास्नामा रमाएको छ
सापटिएको रंगमा हाँसेको छ।
आफ्नै सुवास र रंगले निर्वाध फकृएको
फूल हुन कहिल्यै सकेन।
No comments:
Post a Comment