दिमागहरुले सिध्याइसके-प्रकृतिको शुद्धतालाई
दिमागहरुले खाइसके-पृथ्वीको गुदीलाई।
दिमागहरुले बिषालु दुर्गन्धलाई फैलाइसके
मंगलमा
चन्द्रमामा।
सुरक्षित छैनन् यहाँ
ग्रह,उपग्रह र ताराहरु।
खतरनाक दिमागहरुले महामारीको रुप लिइसके
करोडौं टाउकाहरु संक्रमित भैसके
शंकास्पदलाई क्वारेन्टाइनमा राखिनुपर्छ
संक्रमितलाई आइसोलेसनमा राखेर उपचार गरिनुपर्छ।
बेलैमा खतरनाक दिमागहरुलाई अंकुश नलाए
स्थिति थप जटिल हुनेछ।
No comments:
Post a Comment