सबेरै उठ्छ
अन्धकार मेरो मुहारमा उज्यालो छर्छ
सेप्जिलो पेट सेकाउँछ।
मेरो घाम
त्यो घाम जस्तो एकास्थानमा बस्दैन
चक्कर मारिरहन्छ मेरै वरिपरि
खुशी राख्छ मलाई।
मेरो घाम
त्यो घामको सुस्ताइसंगै सुस्ताउँछ
दु:ख बिसाउँछ
भोलि फेरी शुरु हुन्छ उस्तै परिक्रमा।
मेरो घाम
आज चाउरिएको समय बोकेर बाँचिरहेछ।
मेरो घाम
सदाको लागि अस्ताएको दिन
मेरो हविगत कस्तो होला!
No comments:
Post a Comment