nile

Full of eyes,again & again,comes her smile,its very difficult 

Chest is destroyed coming the remembrance'S missile,its very difficult 

its easy for her who goes easily,went & finished 

He,who is left,must live with the memory's nile,its very difficult.

जोड

सोचे अनुरुप सहजता भेटिन्न जिन्दगीको मोडमा पनि

हार पनि भेटिन्छ,जीत पनि भेटिन्छ,जीतको होडमा पनि

तेरो-मेरो भन्नु केवल मुखको स्वाद फेर्नु मात्र हो,यति बुझ्नु 

अन्ततः हातमा लाग्ने शून्य नै हो करोडौंको जोडमा पनि।

प्यारो

आज म 

बाबुको-आमाको छोरा हुँ 

दिदी/दाजुको भाइ हुँ

भाइ/बहिनीको दाइ हुँ

श्रीमतीको श्रीमान् हुँ

कसैको छिमेकी हुँ

कसैको शत्रु हुँ

कसैको मित्र हुँ।

आज म 

कोही-कसैको हुन नसकेको प्रेमी हुँ

कोही-कसैको हुन नसकेको श्रीमान् हुँ।

त्यसैले त कसैको आँखाको नानी छु 

कसैको आँखाको कसिंगर छु।

भोलि म जुन दिन,

माटोको हुनेछु

हावा-पानीको हुनेछु

समग्रमा प्रकृतिको हुनेछु

त्यो दिन सबैको प्यारो हुनेछु।

थोपा

माला बनाउन अक्षरहरुको थुँगा संगाल्न सकुँ

अन्धकारलाई चिर्न ज्ञानको दीप बाल्न सकुँ

संसारलाई बदल्न नसकुँला,मेरो औकात छैन

साहित्यको सागरमा एक थोपा खसाल्न सकुँ।

अवसरवादी

जीतको मात्र कथा लेख्छन्,हारको लेख्दैनन्,पक्षपाती हुन्छन् 

चाहिने बेला लेख्दैनन्,सबैको प्यारो भैरहन्छन्,लाक्षी हुन्छन् 

केही अनिष्ट होला,घात होला र भयंकरै लेखुँला भनी पर्खिन्छन्

अधिकांश लेखक,साहित्यकारहरु पक्कै अवसरवादी हुन्छन्।

आफू भलो

जमाना यस्तो आयो,कसै माथि कसैको हुन्न भर

सके सबैको भलो गर,नसके कसैको कुभलो नगर

आफू भलो त जगतै भलो भन्ने कुरा बुझ्न छाडे

आफू माथि देखाउन अरुलाई तल देखाउनै पर्छ र?

प्लास्टिक

सिध्याउन खोज्दा पनि सिद्धिएन

जलाउन खोज्दा पनि स्वरुप मात्र बदल्यो

असर मात्र गरिरह्यो...गरिरह्यो।

तिम्रो याद त प्लास्टिक जस्तै रहेछ।

यादको नाइल

आँखाभरी आउँछ घरीघरी तिम्रै स्माइल,गाह्रो पर्छ

छाती छेड्छ आएर संझनाको मिसाइल,गाह्रो पर्छ

छोडी जानेलाई त सजिलो छ,चट्टै छोडी गयो,सक्यो

छोडिने त बस्नुपर्छ बनाई यादको नाइल,गाह्रो पर्छ।