प्यारो

आज म 

बाबुको-आमाको छोरा हुँ 

दिदी/दाजुको भाइ हुँ

भाइ/बहिनीको दाइ हुँ

श्रीमतीको श्रीमान् हुँ

कसैको छिमेकी हुँ

कसैको शत्रु हुँ

कसैको मित्र हुँ।

आज म 

कोही-कसैको हुन नसकेको प्रेमी हुँ

कोही-कसैको हुन नसकेको श्रीमान् हुँ।

त्यसैले त कसैको आँखाको नानी छु 

कसैको आँखाको कसिंगर छु।

भोलि म जुन दिन,

माटोको हुनेछु

हावा-पानीको हुनेछु

समग्रमा प्रकृतिको हुनेछु

त्यो दिन सबैको प्यारो हुनेछु।