साम्राज्य मनको,सम्हालिदिने रानी नै भएन
खडेरी लाग्यो मायाको खेतमा,पानी नै भएन।
प्रीतिको बोट सुकेर जाला माली नै नभए
फलेको हाँगा नुगेर जाला साहारा नपाए
प्रेमको भिक्षा मागेर हिंडें,दानी नै भएन
खडेरी लाग्यो मायाको खेतमा,पानी नै भएन।
मनको बाँध फुटेर जाला प्रतिक्षा गरेर
पराइले स्वार्थ लुटेर जाला भ्रममा पारेर
अरुको जुठो खाएर हिंड्ने बानी नै भएन
खडेरी लाग्यो मायाको खेतमा,पानी नै भएन।
No comments:
Post a Comment