यो समय
यो बाटो
यो माहोल
भिआइपीको हो।
तिमीहरू झारपात हौ
झारपातहरुले यतिखेर
बीचबाट छेउतिर साइड लाग्ने हो
छेउमा भएकाहरु जहाँको तही रहने हो
चुपचाप
निशब्द
पिनड्रप साइलेन्ट हुने हो।
भिआइपीको सवारी हुँदैछ।
झारपातहरु!
खान बन्द गर
पिउन बन्द गर
सास रोकेर बस।
भिआइपीतिर नहेर
आँखा बन्द गर।
भीडभाडमा कोचिएर बस
हलचल नगर
नत्र••••••••(लाठी प्रदर्शन)
(साइरनको आवाज......वाउवाउवाउवाउवाउ..............)
No comments:
Post a Comment