B: मेरो नयनी तालैमा डुंगा ख्याउनु तिमी
G: ताल तरी सुटुक्क मनमा आउनु तिमी।
B: जिन्दगीको गहिराइमा संगै डुब्न जाऔंला
G: पिरतीको हिरा-मोती टिपीकन आऔंला
B: जवानीको आगो बाल्छु,दाउरा ल्याउनु तिमी
G: भित्ता म नै सजाउँछु,छाना छाउनु तिमी।
B: यौवनको फूलबारीमा तिमी फूल हुनु
G: फूलको रस चुसिदिने भमरा हुनु
B: रोएको त सुहाउँदैन,मुस्कुराउनु तिमी
G: ढुकढुकीको संगीतमा गीत गाउनु तिमी।
No comments:
Post a Comment