कलंकित आश्वासनको पट्टी बाँधेर
कायापलटको सपना देखाएर
कथित परिवर्तनको नशा पिलाएर
लामो कोमामा पठाई
रातारात गरिनेछ एउटा भूलको सम्झौता।
संसदीय वाण प्रहार गरी
हान्नेछन् आमाको कोखमा।
अरवौं डलर कुम्ल्याएर
बेचिनेछ मातृभूमि।
राष्ट्रियताको छातीमा लात हानी
चीरकालसम्म बन्धक बनाईनेछ-
स्वतन्त्रताको पंक्षीलाई।
पुनर्जन्म त हुनेछ मदन भण्डारीको
"नोट अफ डिसेन्ट"को राँको बालेर
बचाउन खोज्नेछ दुर्घटनोन्मुख देशलाई।
अन्ततः पुनः रचिनेछ भयंकर षडयन्त्र
घटाइनेछ-"दासढुंगा-२"।
No comments:
Post a Comment