तर मलाई टेन्सन छैन।
सामान्य लाग्छ
दूधमा पानी मिसिनु
महमा सख्खर मिसिनु
तेलमा तेल मिसिनु
तर मलाई टेन्सन छैन।
सामान्यै लाग्छ
दालमा ढुंगा मिसिनु
घिउमा डाल्टा मिसिनु
सुनमा पित्तल मिसिनु
तर मलाई टेन्सन छैन।
सामान्य लागेको हो
एमाले माओवादीमा मिसिंदा
या भनौं
माओवादी एमालेमा मिसिंदा।
तर एउटा महाटेन्सनको मिसावट छ मेरो लागि
वागमतीमा मान्छेको ढल जस्तो दिमागको मिसावट!
No comments:
Post a Comment