पुमफेजा
तेतुङ कर्मो मिक्सिल नाक्पो कोनी ठेतुला फेप
नाम्खा द्वाके गर्पु ङिङ्जे क्यानी देतुला फेप।
ङेमुला ठेतुला फेप दल्जा ङेमुला ठेतुला फेप
ङेमुला देतुला फेप दल्जा ङेमुला देतुला फेप।
ख्योक्पेजा
मररु छुवा बुठुम् दोङ्डिल आलचिल लेमु न्वाक
शेर्वी मान्ज्या शेर्वी ताम् ताङ पुम्पेजा जेमु न्वाक
क्यङेन लेमु न्वाक दल्जा क्यङेन लेमु न्वाक
पुम्पेजा जेमु न्वाक दल्जा पुम्पेजा जेमु न्वाक।
पुम्पेजा
छ्योर्तेन कोर्नी ल्हाखाङ ज्येल्नी डोया यिन् डेटिङ्ला
सोल्च्या थुनी रिल्दोक सोनी श्यार्वाकी साखाङला
डोया यिन् डेटिङला दल्जा डोया यिन् डेटिङला
श्यार्वाकी साखाङला दल्जा शेर्वाकी साखाङला।
ख्योक्पेजा
याककी छुर्पी सिर्माङ सिम्बु लाङस्या ती सिम्बु म्हाङ
छङ्गा जोम्नी फ्यामार साप् यिन् यार्च्याङ्ला गल्सी याङ
लाङस्या ती सिम्बु म्हाङ दल्जा लाङस्या ती सिम्बु म्हाङ
यार्च्याङला गल्सी याङ दल्जा यार्च्याङला गल्सी याङ।
पुम्पेजा
खाङ्ग्री ज्यानी मिङ यार ज्याङ्नी श्यार्वाकी जम्लिङ्ला
लोङ्नी ह्वासी सेब्रु छ्योम्बु लु लानी नादिङला
श्यार्वाकी जम्लिङ्ला दल्जा श्यार्वाकी जम्लिङ्ला
लु लानी नादिङला दल्जा लु लानी नादिङला।
ख्योक्पेजा
जेमु जेमु पुमो थोङ्सुङ मिक् कर्मो ट्रेकिङला
सेम्ला ख्योरोङ,मिक्ला ख्योरोङ,ख्योरोङ वाई ङे ङिङ्ला
मिक् कर्मो ट्रेकिङ्ला दल्जा मिक् कर्मो ट्रेकिङ्ला
ख्योरोङ वाई ङे ङिङ्ला दल्जा ख्योरोङ वाइ ङे ङिङ्ला।
पुम्पेजा
जुन मोन्जु ख्योला मोतोङ साङ्गे वाइ ङा द्वाङ्ला
ख्योरोङ ख्यो ती देनी वातु सेमकी जिमखाङ्ला
साङ्गे वाई ङा द्वाङ्ला दाल्जा ख्योराङ वाई ङा द्वाङ्ला
सेमकी जिमखाङ्ला दाल्जा सेमकी जिमखाङ्ला।
ख्योक्पेजा
छ्याङ आराक आला मुथुङ,ख्योरोङ्ला ङा मुन्दुङ
मिकी मिङ्ला ङ्वाछा मोलोङ शेर्वाकी दी पुज्युङ
ख्योरोङला ङा मुन्दुङ दाल्जा ख्योरोङ्ला ङा मुन्दुङ
शेर्वाकी दी पुज्युङ दाल्जा शेर्वाकी दी पुज्युङ।
