कसरी पो थुन्ने होला मनचरीलाई
मनको खानीमा के छ मनको खानीमा
रुँदा रुँदै हाँस्नुपर्छ जिन्दागानीमा।
आफ्नो वशमा छैन आफैं कसले रोक्ने हो
माया जोख्ने यन्त्र छैन केले जोख्ने हो
मनको खानीमा के छ मनको खानीमा
रुँदा रुँदै हाँस्नुपर्छ जिन्दागानीमा।
भिडियो कलको भरमा चित्त बुझाउँ कसरी
कल्पनाको साथ लिई तड्पिनु कति
मनको खानीमा के छ मनको खानीमा
रुँदा रुँदै हाँस्नुपर्छ जिन्दागानीमा।
चाहनाको सहिद भयो दूरी टाढा भो
नजिक भए रंगीन हुन्थ्यो आज सादा भो
मनको खानीमा के छ मनको खानीमा
रुँदा रुँदै हाँस्नुपर्छ जिन्दागानीमा।
आँधीबेहरी आईदिन्छ यादहरुको
हिसाब छैन आधाकल्चो रातहरुको
मनको खानीमा के छ मनको खानीमा
रुँदा रुँदै हाँस्नुपर्छ जिन्दागानीमा।
तीर्खा लाग्दा आँसु पिउने बानी पार्दैछु
मनको इच्छा मनभित्रै मारी बाँच्दैछु
मनको खानीमा के छ मनको खानीमा
रुँदा रुँदै हाँस्नुपर्छ जिन्दागानीमा।
जहाज चढी आउन मन छ एकैछिनमा
उत्थल उत्थल हुन्छ मन छिनको छिनमा
मनको खानीमा के छ मनको खानीमा
रुँदा रुँदै हाँस्नुपर्छ जिन्दागानीमा।
सपनाको बलिदानी रहेछ जिन्दगी
छातीभित्रै बन्धकीमा हुन्छ पिरती
मनको खानीमा के छ मनको खानीमा
रुँदा रुँदै हाँस्नुपर्छ जिन्दागानीमा।
