B
थाहै नपाई महिना दिन कति चाँडो बितेछ
बस्ने इच्छा भए नि छुट्टिने बेला भएछ
पुरानै झोला बोकेर, हातमा पासपोर्ट लिएर
बिरानो मुलुक जाँदैछु,आँखामा आँशु लिएर।
G
जानुनैपर्ने के छ र?नगए पनि हुन्न र?
निष्ठुरी रहेछौ तिमी त,मेरो मायाले छुन्न र ?
दुई हात जोडी बिन्ती छ,छोडेर मलाई नजानु
साहरा मेरो को छ र,नजानु प्यारा नजानु।
B
अनगिन्ती पीर छ,दु:खै-दु:खको भीर छ
के गर्नु र मायालु,बिदेशिने तक्दीर छ
जानैपर्ने बाध्यता ,यहीं हाम्रो यथार्थ
यस्तै यस्तै कथा छ,यस्तै यस्तै व्यथा छ।
G
गरिबीसंग लडौंला,दु:खको सागर तरौंला
दु:ख पनि बाँडौंला,सुख पनि बाँडौंला
जहाज चढ्नु पर्दैन,विदेश जानु पर्दैन
साथमा तिमी नभए यो मन खुशी हुँदैन।
B
रगत बिना चल्दैन मुटुको धड्कन् जसरी
मायालु बिना जिन्दगी चलाउनु मैले कसरी
पाउ मेरो मोल्नु पर्दैन,सम्मान धेरै चाहिँदैन
बिदेश नगई के गर्नु,हातमुख जोर्न पाइँदैन।
G
बिछोड्को वर्षा दर्किंदा तर्कन म सक्दिन
दुईचार बर्ष भासिन्छौ, पर्खन म सक्दिन
ठूल्ठूलो महल चाहिदैन,सुख र सयल चाहिंदैन
साथमा रम्न चाहन्छु ,तड्पेर बस्न सक्दिन।
B
बाँझो यो बारी जोतेर पसिना यतै रोप्नेछु
अँगालो मारी तिमीलाई प्रीतिको संसार खोज्नेछु
परी त जस्ती चाहिँदैन,अप्सरा पनि चाहिंदैन
मनकी रानी भए हुन्छ,जीवनसारथी भए हुन्छ।
G
पाखा र पखेरी गएर टिपेर सिस्नु पकाउँला
सासले साथ दिएसम्म हरेक पलमा सघाउँला
सुन र चाँदी चाहिंदैन ,हीरा र मोती चाहिंदैन
सपना सानो राजी छ,प्रेमको गहना काफी छ।
B
खाडी नि गएँ युरोप नि गएँ,मन त खुशी भएन
दिनरात जत्तिनै खटे नि धन त झुसी भएन
चौरासी व्यन्जन चाहिदैन,महँगो पलाङ चाहिदैन
खुशीको निंद्र सुतिन्छ,आफ्नै पाराले उठिन्छ।
G
मायाको थाली पस्केर खुशीको भोक मेटौंला
गर्नुछ जे जे हामीले यहींको माटोमा गरौंला।
पीआर वाला चाहिदैन,ग्रीनकार्ड वाला चाहिदैन
पिरती ताजा भए हुन्छ,मनको राजा भए हुन्छ।
B
आफ्नै माटोमा फलाउँछु,आको छ यस्तै चेतना
हातमा हात गाँसेर ,साटेर मनको बेदना
आम्दानी लाखौं चाहिदैन,टाइसुट पनि लाईँदैन
जीवन सादा भए हुन्छ,कृष्ण र राधा भए हुन्छ।
----------------------------------------------***--------
नादिङ भाका गाउँदा दु:खको संसार बिर्सिन्छ
टुङनाको टङ्टङ बजाउंदा शेर्पा-संगीत झल्किन्छ
सेब्रुको तालमा नाच्दिंदा सबै दु:ख बिलाउँछ
बाछ्यै बाजा बजाउँदा मरेको आशा पलाउँछ
धर्मलाई भुल्नु हुँदैन,संस्कृति भुल्नु हुँदैन
भाषालाई बोलीदिए हुन्छ,गाउँघर सम्झीदिए हुन्छ।
मिलेर अघि बढौं न दु:ख र सुखको यात्रामा
भेटघाट गरिराखौं है साकदावा छेज्यु जात्रामा
झगडा गर्नु हुँदैन,विवाद गर्नु हुँदैन
मिलेर हाँस्न पाए हुन्छ,मिलेर नाच्न पाए हुन्छ।
-----------------------------------------------------------
