गरिएको आशा माथी तुसारापात भए पछि
आफ्नै भन्ने बाट घात र प्रतिघात भए पछि
जस्ले अरु माथी दोष थुपारे देश द्रोहीको
मातृभुमी सुम्पिदिने उसैको हात भए पछि।
उज्यालोको आशा गर्दा सुनौला दिन हरुमा
अनायसै दिन पनि अधेरी रात भए पछि।
बसन्तको बहारमा रमाउने थियो सप्ना
तर आज शिशिर झैं अति उराठ भए पछि।
बाहिर त हेर्दा खेरी अहो कति सुन्दर छ
यथार्थमा देखाउने हात्तीको दात भए पछि।
No comments:
Post a Comment