भाग्न मन लाग्छ आफ्नै छाया देखि टाढा
संसारको जाली,झूटो माया देखि टाढा ।
दयाको त नामै छैन आज मान्छे भित्र
सर्यो क्यारे मुटु पनि बायाँ देखि टाढा।
आट्या काम पूरा हुन्न सधैं अधुरो नै
चन्द्र पनि पुगे जस्तो दायाँ देखि टाढा।
डराउनु पर्ने हुन्छ मान्छे देखि मान्छे
जाउ लाग्छ मान्छेको नै काया देखि टाढा ।
चाया जस्तै सताउछ निस्ठुरीको यादले
जान सक्या छैन अझै चाया देखि टाढा।
No comments:
Post a Comment