लोभी आँखा झिम्क्याउँदा गोली ठोके जस्तो लाग्छ
सिधै बोल्न नसकेका कुरा बोले जस्तो लाग्छ।
दन्ते मोती चम्किन्छन् मस्किएर बोलिदिंदा
अँध्यारोले ठाउँ छोड्छ मुहारको दीप बल्दा
अनायासै यो मुटुको भित्ता फोडे जस्तो लाग्छ
मस्तिष्कमा पिरतीको चित्र कोरे जस्तो लाग्छ।
तातो सासको तुफानले मनमा लाग्छ ठूलै आगो
त्यसै त्यसै पग्लिदिन्छ चिसो हिउँ जवानीको
चाहनाका पोकाहरु खोले खोले जस्तो लाग्छ
तिर्खाएको नजरले केही खोजे जस्तो लाग्छ।
No comments:
Post a Comment