फर्कियौ किन पुगेर पनि मुटुको संघारमा
डढेलो कस्ले लगायो हाम्रो मायाको संसारमा।
अधुरो कथा लेखेर राखें त्यो ठूलो ढुंगोमा
उडान भरी प्रेमको जहाज पुगेन टुंगोमा।
अल्झियो मन,तिमीले देको,फूलको थुँगामा
सफर पूरा भएन हाम्रो प्रेमको डुंगामा
बल्झियो चोट,लेखेको तिम्ले,पत्रको पानामा
डुबेको हुन्छु अचेल तिम्ले गाएको गानामा।
पाईला दुई,हिंडियो संगै,बीचैमा छोड्दियौ
खोट् देखी ममा,छुटियो बाटो,गन्तव्य मोड्दियौ
नानाथरीको लान्छना लगाई कसैले सुनायो
कोपिला हुँदै प्रेमको फूल वैरीले चुँडायो।
No comments:
Post a Comment