माया अमृत भन्ने त केवल कुरा रहेछ
बिष हाली उध्याएको तीखो छुरा रहेछ।
कहिलेसम्म पिरतीको चंगा उड्न सक्छ
मक्किएको धागो भए च्वाट्टै टुट्न सक्छ
उन्दा-उन्दै फुट्न सक्ने कच्चा चुरा रहेछ
बिष हाली उध्याएको तीखो छुरा रहेछ।
दीप जस्तो रैछ माया,हुरीले निभाउने
काँडा जस्तो रैछ माया,मनमा बिझाउने
थोरै पिउँदै रन्थनिने कडा सुरा रहेछ
बिष हाली उध्याएको तीखो छुरा रहेछ।
No comments:
Post a Comment