पिरतीको सागरमा डुबुल्की मार्दैछु म
किनारसम्म पुग्न भनी आफैंलाई तार्दैछु म।
लक्ष्य चुम्न सहज हुन्थ्यो सुनामी नआएमा
मैले दे'को फूल उनले शीरैमा सजाएमा
हृदयको बगैंचामा प्रेमबृक्ष सार्दैछु म
किनारसम्म पुग्न भनी आफैंलाई तार्दैछु म।
विना स्वार्थ,विना शर्त माया म गर्छु धेरै
मूल्यवान यो समय गए नी जाओस् खेरै
उनको मन जित्नलाई फेरि पनि हार्दैछु म
किनारसम्म पुग्न भनी आफैंलाई तार्दैछु म।
No comments:
Post a Comment