पापी यो दुनियाँ छली तिम्रो आँखाभित्र लुक्छु
विशाल त्यो सागरको वारि देखि पारी पुग्छु।
दु:ख पाएपनि दु:खी नहुनु है प्यारी तिमी
रुँदा मलाई बगाउँछ नरुनु है प्यारी तिमी
बरु म नै झरिदिन्छु,ओइलिएर म नै सुक्छु
विशाल त्यो सागरको वारि देखि पारी पुग्छु।
परेलीको भर्याङ चढी क्षितिज हेर्न चाहन्छु म
गाजलुको सुवास लिंदै सास फेर्न चाहन्छु म
पराईको प्रवेश रोक्न बर्षौंसम्म यहीं ढुक्छु
विशाल त्यो सागरको वारि देखि पारी पुग्छु।
No comments:
Post a Comment