जागिरेको तलब बढ्छ,
तलबसंगै खुशी बढ्छ
बेरोजगारीहरुको त
पीरमाथि पीर बढ्छ
हुनेलाई त पैसा बढ्छ
नहुनेलाई महंगी बढ्छ।
पसिनाको बाढी आउँदा
जिन्दगीलाई बगाउँछ
गरिबको पेट यहाँ
कहिले पो अघाउँछ!
दिनदिनै साहुबाट
लिइएको ऋण बढ्छ
तनाबनै तनाब बढ्छ
तन्नेरीमै आयु घट्छ।
धन हुने हरुले त
डाक्टर पाइलट पढाउँछन्
ऋण हुने हरुले त
खाडी मुलुक पठाउँछन्
कमाउने आशै आशमा
बर्ष कट्छ,दशक कट्छ
प्रवासको बसाइँले
प्रेसर बढ्छ,सुगर बढ्छ।
No comments:
Post a Comment