सम्झनाका पानाहरु पल्टिएर सकिंदैनन्
जलाए'नी यादहरु सल्किएर सकिंदैनन्।
जिन्दगानी भन्नु यहाँ कहानीको खात रैछ
केही पनि होइन रै'छ,झरिजाने पात रैछ
धेरै भए घाउहरु,बल्झिएर सकिंदैनन्
जलाए'नी यादहरु सल्किएर सकिंदैनन्।
रगतले लेखी राख्छु जिन्दगीको कथा मेरो
जति लेखे पनि हुन्छ पिरतीकै सेरोफेरो
स्मृतिका जालीरुमाल अल्झिएर सकिंदैनन्
जलाए'नी यादहरु सल्किएर सकिंदैनन्।
No comments:
Post a Comment