तिमी कसैको भएर केभो,माया मेरो उस्तैछ
मनि कसैको भएर केभो,माया तिम्रो उस्तैछ
चोखो माया गर्नु के पाप हो र?
माया गरेपछि पाउनै पर्छ र?
स्वार्थ थिएन,वासना थिएन
खराब चाहने कामना थिएन
धोका दिने त आशय थिएन
हाम्रो पक्षमा समय थिएन।
बेग्लै अहिले भएर केभो,अतीत हाम्रो उस्तैथ्यो
बेग्लै हैसियत भएर केभो,प्रीत हाम्रो उस्तैथ्यो
चोखो माया गर्नु के पाप हो र?
माया गरेपछि पाउनै पर्छ र?
फेरि भेटौंला भनेर भन्दिन
भेट्ने दिनहरु गनेर बस्दिन
कुनै योजना बनाउन चाहन्न
कतै भेटिए मौन म रहन्न।
फरक गन्तव्य भएर केभो,हिंड्ने बाटो उस्तैछ
फरक बसाइँ भएर केभो ,बस्ने माटो उस्तैछ
चोखो माया गर्नु के पाप हो र?
माया गरेपछि पाउनै पर्छ र?
No comments:
Post a Comment