रंगमञ्च सोची माया,अभिनय गरिदियौ
एकै ढिक्का थियो माया,छरपस्ट छरिदियौ
देखावटी रै'छ कसम,देखावटी रै'छ बाचा
फूल सम्झी सजाएथें,आखिरीमा रै'छ काँडा
अमृत दिए जस्तो गरी,बिषै-बिष भरिदियौ
एकै ढिक्का थियो माया,छरपस्ट छरिदियौ
बाहिरी रुप राम्रो देखें,भित्री रुप चिनिएन
करोडौंको उन्को स्वप्न,किन्न पनि सकिएन
जादुगर्नी रैछ्यौ तिमी,कस्तो जादू गरिदियौ
एकै ढिक्का थियो माया,छरपस्ट छरिदियौ
No comments:
Post a Comment