खास कुरा के हेरिन्छ,अचेलका मान्छेमा
खोजेको कहाँ भेटिन्छ,अचेलका मान्छेमा।
जसरी कुकुर लाई हड्डी फ्याँकिन्छ नि
त्यसरी आशा फ्याँकिन्छ,अचेलका मान्छेमा।
नव-निर्मित औषधि भ्यागुतामा जसरी
प्रयोग गर्न भ्याईन्छ,अचेलका मान्छेमा।
अमृत ओकल्छु भनेर कसले पत्याउँछ
बिष छर्ने नै बाँचिन्छ,अचेलका मान्छेमा।
यस्तै उग्र,आलोचित हुँदै जाने हो भने
नैतिकता नै सिद्धिन्छ,अचेलका मान्छेमा।
No comments:
Post a Comment