स्वाधिनताको भोकलाई मत्थर पारी
आफू अनुकूल हिंडाउन
एउटा बृद्ध-बालकलाई
उसको समकक्षीले
थमाइदिएको छ-गुलियो ललीपप।
हर्षले गदगद हुँदै
मनको गगनमा फुर्र-फुर्र उड्दै
घर फर्किरहेको छ
ललिपप चुस्दै।
उसको मस्तिष्कमा
एजेन्डाको सेन्सर जोडेर
भुँडीमा चौरासी-व्यञ्जनको ब्याट्री भरेर
बनाइदिएको छ-रोवोर्ट।
पारी बसी-बसी आनन्दले
सखाले चलाइरहेछ-रिमोट।
यता देशलाई पखाला लागिसकेको छ।
No comments:
Post a Comment