लुकेको छैन

लुकेको छैन कसैको सामू एउटा रहस्य
जत्तिनै दौड,समाधिसम्म,मान्छेको गन्तव्य
भौतिक सुख प्राप्तिको लागि किन हो हतार
असली सुख,पाइन्न कतै,चहारी संसार।

मनको झोली भरिएपछि ऐश्वर्य चाहिन्न
अथाह खानी रहेछ मनै,बाहिर पाइन्न
क्षणिक खुशी बटुल्छ मान्छे,गहना,पैसाले
बढाइदिन्छ अनावश्यक तिर्सना पैसाले।

सम्पत्ति जोड्न अशान्तितिर लम्कन्छ मनुष्य
यसैकारण विनासतर्फ डोर्याउँछ अवश्य
त्यागेर मोह,समृद्धि तर्फ जानुछ अब त
जगत लाई सुन्दर शान्त पार्नुछ अब त।