झ्याप्पै ठेस लाग्यो

नागबेली केश देख्दा मलाई बेश लाग्यो
चन्द्ररुपी मुहार देख्दा झ्याप्पै ठेस लाग्यो।
----------------------------------------------------
कहाँ छु म, को हू म, होसै उड्यो कस्तो
आफ्नै आगन पनि मलाई अर्कै देश जस्तो।
गजालु ती आँखा देख्दा मलाई बेश लाग्यो
परी जस्ती मोरी देख्दा झ्याप्पै ठेस लाग्यो
----------------------------------------------------
तिम्रो चाल, जीउ डाल वर्णन गरुँ कसरी
तिम्रो बोली अनि वचन सङ्गीत बजे जसरी
गुलाबी ती ओठ देख्दा मलाई बेश लाग्यो
बैशालु जोवन देख्दा झ्याप्पै ठेस लाग्यो।
------------------------------------------------------
तिम्लाइ पाउने चाहनामा बर्सौ बर्ष बित्यो
आखिरीमा त्यो तनले यो मन लाई जित्यो।
तिम्रा ती यौवन देख्दा मलाई बेश लाग्यो
राता राता गाला देख्दा झ्याप्पै ठेस लाग्यो
----------------------------------------------------
नागबेली केश देख्दा मलाई बेश लाग्यो।
चन्द्ररुपी मुहार देख्दा झ्याप्पै ठेस लाग्यो।