ओइलिएको फूल जस्तै भएकी छु अचेल
बिन्ती मेरो जीवनमा नआइदेउ तिमी
भत्किएको पुल जस्तै भएकी छु अचेल।
थाहै नदिई सुख जान्छ,दु:ख आइदिन्छ
त्यही दु:खले कुटु-कुटु,ज्यान खाइदिन्छ
च्यात्तिएको झूल जस्तै भएकी छु अचेल
बिन्ती मेरो जीवनमा नआइदेउ तिमी
भत्किएको पुल जस्तै भएकी छु अचेल।
पानी ठान्थें आफूलाई तर प्यासी रैछु
रानी मान्थें आफूलाई तर दासी रैछु
सुक्दै गाको मूल जस्तै भएकी छु अचेल
बिन्ती मेरो जीवनमा नआइदेउ तिमी
भत्किएको पुल जस्तै भएकी छु अचेल।
No comments:
Post a Comment