जहिल्यै चोखो मायाको मोल मोली हिंड्छौ तिमी
राम्रो हुन खोज्दा आफ्नै पोल खोली हिंड्छौ तिमी।
आफूलाई हिरा ठान्छौ,अरुलाई किरा ठान्छौ
आफूलाई हिरो मान्छौ,अरुलाई जिरो मान्छौ
नैतिकता र चरित्रको ~~ खोल ओढी हिंड्छौ तिमी
राम्रो हुन खोज्दा आफ्नै पोल खोली हिंड्छौ तिमी।
अर्कालाई हाल्ने भनी खनिएको खाल्डो भित्र
कतै पासो पल्टिएर आफैं पसिन्छ है मित्र
सानो चोक्टा देखाएर ~~झोल बोकी हिंड्छौ तिमी
राम्रो हुन खोज्दा आफ्नै पोल खोली हिंड्छौ तिमी।
No comments:
Post a Comment