खिचेर राख्छु तस्वीर तिम्रो आँखाको नानीमा
सम्झना आए पल्टाई हेर्छु यो जिन्दगानीमा।
जति नै दूर गए नि तिमी मुटुमै हुनेछ्यौ
कुनै त दिन सम्झेर तिमी पक्कानै रुनेछ्यौ
यो मन मेरो अल्झिनै सक्यो त्यो तिम्रो बानीमा
नपाए तिमी तपस्या बस्छु यो जिन्दगानीमा।
यो छाती भित्र ढुक्ढुक गर्ने हृदय चलुन्जेल
तिम्लाई मैले बिर्सने छैन ब्रम्हाण्ड रहुन्जेल
काँ पुग्ने होला बगेर प्यारी आँखाको पानीमा
मिलन हाम्रो होला नहोला यो जिन्दगानीमा।
No comments:
Post a Comment