हरियाली पाखा हरु उजाड लाग्न थाले सबै
डाँफेमुनाल नाच्ने वन शुन्य लाग्न थाले सबै
रुन थाल्यो मेरो मन कोइलीको गीत संगै
तिमी लाई खोज्ने गर्छु देखिंदैन तर कतै।
तामाकोशी,सुनकोशी सरी आँसु बगी दिन्छ
मुग्लान गाको मेरो मान्छे कठै कैले फर्किन्छ
अन्धकार लाग्नथाल्यो हिमाल भएपनि सेतै
यो जूनीमा तिमी संग हुन्न क्यारे मेरो भेटै।
झर्झर झर्ने झरनाहरु चुपचाप बसेका छन्
आँखाबाट ढिकाहरु संझनामा खसेका छन्
मायालुको पर्खाइमै जीवन जान्छ होला खेरै
आइ देउ प्रिय छिट्टै पर्खन्न म अब धेरै।
No comments:
Post a Comment