सबैजना बिकास आउने आशामा देखियो
एकजुट नभई आ-आफ्नै पारामा देखियो।
वा वा र उ उ गरेर हान्छन् हिपहप र र्याप
गीतको मज्जा त लोक भाकामा देखियो
फूल-फूल भनेर पछाडि पर्छन् मान्छे हरु
यो बुझेनन्, उसको प्रेम काँडामा देखियो।
अचेल प्रेमी प्रेमिकाले कहाँ लुकाउँछन् प्रेम
न त मुटुमा देखियो न त आँखामा देखियो।
पिज्जा,बर्गर र के एफ सी मा के स्वाद छ र
असली स्वाद त नेपाली खानामा देखियो।
No comments:
Post a Comment