चेर्दुङ लला ठेनी
दोगर्पु खला देनी
जोमु जोप्के लानी
ङिङ्ज्या बङी क्यानी
ओरोङ ङिङा जेतु
गा साङ क्यानी देतु।
यार्च्याङ लेसु,टिम्बा ज्वाम्
ङिम्ला जोम्बु,मिन् है ग्वाम्
ड्याम्ङ्या टुल्नी सेब्रु छ्योम्
स्याता जेनी आच्यु छोम्।
आराक,सिर्मा,छ्याङ थुङ
मोलम ङेनी थुङ है ठुङ
थोम ग्याका म्याउ आङा
च्योलुम् लेमु ल्याउ आङा।
फ्यामर रुनी ज्वक् ताङ ज्वक्
डावी सोनी गप ताङ गप
लु लानी छोम्बा दल्जा स्वोक
दुक्पा जेनी कारकुर ट्वाक।
No comments:
Post a Comment