बिहानको सातै बजे सुर्य अस्त भएको छ
नौलो बिहानीको खाका आज ध्वस्त भएको छ।
भोकाएर दुब्लो शरीर लिई ओछ्यान पसेथ्यो
उडुस छिट्टै मोटाएर अति मस्त भएको छ।
हिजो सजिलै उकालो हिड्न सक्ने गाउले केटो
दुई पाईला हिड्न पनि कति कस्ट भएको छ।
भ्रष्टाचार र कुकर्मको खेदो खन्ने कर्मचारी
देख्न नसक्ने हाकिम हरु प्रशस्त भएको छ।
अनावश्यक महत्वाकांक्षी भएकोले मनुष्य
थोरै भएको खुशी पनि छर्पस्ट भएको छ।
No comments:
Post a Comment