नेपालको तराईमा हेर रास्ट्रवादी
शत्रु सित लडाइँमा हेर रास्ट्रवादी।
झुक्याउछन् नेताहरु खोक्रो भासण गरी
हुँदै हुन्न फटाईमा हेर रास्ट्रवादी।
कतै चुनाव जिते भने जाल झेल गरी
मख्ख हुन्छन् बधाईमा हेर रास्ट्रवादी।
उखान टुक्क भनीकन जनता जिल्ल पार्छन्
कहाँ हुन्छ भनाइमा हेर रास्ट्रवादी।
कर्मचारी भ्रष्टाचार गरि भुँडी भर्छन्
टन्न पेट अघाईमा हेर रास्ट्रवादी।
परिश्रमी हात हरु चल्छन् दिन रात
हेर उसको खटाईमा हेर रास्ट्रवादी।
No comments:
Post a Comment