मन मेरो उड्यो आज सगरमा चंगा सरी
देखेर एक सुन्दरी पवित्र गङ्गा सरी।
अति सारो राम्री उनी स्वर्गकी परी जस्ती
प्रख्यात चित्रकारले भर्यो कि रङ्ग सरी।
लामो समय लाएर बनाएछन् भगवानले
ऋषिमुनि पछी लागे तपस्या भङ्ग सरी।
ट्वाल्ल परे म त आज पागल हुन्छु क्यारे
खै के पो भयो मलाइ हेरेर दङ्ग सरी।
ठेस लागि झ्याम्म लडे उनलाई हेर्दा हेर्दै
हिड्न पनि सक्दिन म किन हो ढङ्ग सरी।
मेरो बानी यस्तो नै हो गुलियोको जरै देखी
केटीहरु भाग्न थाल्छन् मलाई देखे परै देखी।
राम्री देखे जिस्क्याइ दिन्छु कसको के नै लाग्छ र
केटी हरु डराइ हिन्छन् निस्किदा म घरै देखी
जिद्दी पनि उस्तै छु म जे भनेको हुनु पर्ने
साथी भाइ दिक्क हुन्छन् नचाहिदो करै देखी।
खतरनाक खेलाडी हु,मैले खेल्छु धेरै खेल
केटीहरु शङ्का गर्छन् मलाइ मेरो भरै देखी।
माङदोर्जेको दोस होला शेर्पा धेरै सोझा हुन्छन्
तर किन थाहा छैन झस्कि दिन्छन् थरै देखी।
सुनको मूल्य के मूल्य सुनमायाको भाउ रैछ
यो दिलैमा चोट दिने निस्ठुरीको दाउ रैछ।
दरबार जस्तो घर अनि रङ्गी चङ्गी बगैँचा
स्वर्ग झैं झिलिमिली उनी बस्ने ठाउँ रैछ।
बरु पत्थर पग्लिन्छ त्यो मन त पग्लेन
था नपाइ यो मुटुमा नदेखिने घाउ रैछ।
नपाए नि उनी लाई मनको प्यास मेट्छु
मन जस्तो भए पनि कल्कलाउदो पाउ रैछ।
हजारौं कोसिस गरे त्यो मन यता फर्केन
म त केबल बींड रैछु तात्नुपर्ने ताउ रैछ।
सोचेको थिए मैले त हात थामी दिन्छु
तर तिम्रो छेउ आउदा त्यसै कामी दिन्छु।
हेर्न पाउ तिमी लाई जिन्दगी भरी लाई
अरु तिम्रो सामु आए छाला डामी दिन्छु।
मैले जन्म लिएको हु केबल तिम्रो लागि
के चाहियो भन तिमी दामी दामी दिन्छु।
धड्कन मेरो बढी दिन्छ समिपमा आउदा
नजिक आउ तिम्रो पनि मुटु छामी दिन्छु।
पुर्णिमाको जून जस्ती छौ तिमी झल्मल
जीवनमा तिमी आए भई नामी दिन्छु।
यो मनको खाली पाना आज म भरी दिन्छु
मेरो यो जिन्दगी तिम्रै नाममा गरी दिन्छु।
धेरै दिन बितिसके भेट हाम्रो भाको छैन
आउ माया तिमि पनि म नि बेशी झरी दिन्छु।
सङ्गै मिली पूरा गरौ जीवनको बाकी यात्रा
तिम्रो साथ नपाएमा म थला परी दिन्छु।
हातमा हात मिलाएर साथमा पनि साथ
जिन्दगीको गहिरो सागर सङ्गै मिलि तरी दिन्छु
झिलीमिली बनाउनुछ हाम्रो सानो सन्सार
तिम्रो दिलको कुना सम्म प्रेम धुन छरी दिन्छु।
तिम्रो त्यो नयन हेरी सायरी म कोरी दिन्छु
कमलो त्यो मुटुबाट दिल तिम्रो चोरी दिन्छु।
एक्लो मुटु तड्पी दिन्छ कसैको साथ नपाउदा
तिम्रो चोखो मुटु सङ्ग मेरो मुटु जोरी दिन्छु।
धेरै दिन भईसक्यो एउटा कुरा भन्न खोजे
आज भने जे जे पर्ला मनको बाध फोरी दिन्छु।
झननन झरी पर्यो भिजिसके म लुत्रुक्कै
ठ्याक्कै तिमी भेट भयो तिम्रो छाता ओरी दिन्छु।
आउ प्रिय समिपमा मेरो कुरा सुनी देउ
एक अर्कामा बाधिन लाई पिरतीको डोरी दिन्छु।
एकान्तमा लुकी लुकी आँसु झारी दिए
के भयो र भनी सोध्दा त्यसै टारी दिए।
आफू लाई भन्दा पनि उनको माया लाग्ने
जसरी नी उनी लाई खुशी पारी दिए।
यात्रा उनको शुरु भयो,मेरो आँसु झर्दै
माझी भई उनी लाई पारी तारी दिए।
उन्नतिको बाटो रोजी रङ्गीन होला जीवन
आफुले त आफ्नै सित खेल हारी दिए।
सारा सप्ना खेर गयो,उनी संगै जिउने
आखिरीमा गई छाडी आशा मारी दिए।
नुन छर्की दिन्छु घाउमा तिम्रो लागि
ज्यान लाई दिन्छु दाउमा तिम्रो लागि।
नाकैमा बुलकी शिरमा शिरबन्दी
पाउज्यु किनी दिन्छु पाउमा तिम्रो लागि।
जे गर्न नि तयार हुन्छु तिम्रो लागि
बिकि दिन्छु सस्तो भाउमा तिम्रो लागि।
भन प्रिय तिमी के मा खुशी हुन्छ्यौ
घुमी दिन्छु थोत्रो नाउमा तिम्रो लागि।
के गर्न बाकी छ ,भन तिम्रो लागि
लगी दिन्छु मेरै गाउमा तिम्रो लागि।
बद्लिन्छ यहाँ स्थिती एकै दिन रातमा
के नै हो र जिन्दगी आखिर अन्त घाटमा।
दु:ख सुख साट्न लाइ तिमी छेउ नहुदा
जिन्दगीको अर्थ खोज्छु रक्सीको मातमा।
के दिन के हो रात नशा मेरो साथमा
हुँदा हुँदा परि सके जड्याहाको जातमा।
कहाँ पर्यौ नि तिमी म त परे घातमा
तिम्रै तस्वीर देख्छु म खादा खेरी भातमा।
खै यस्तो पाराले त कहिले सम्म चल्ने
दु:ख पीडा भुलाउन बोतल छ हातमा।
एकाइसौ शताब्दीमा सन्सारै जाली भो
जता जता जाली मन त्यता पो ताली भो।
सत्यता र ईमानको खडेरी नै पर्यो
असत्य र बैमानीकै हालीमुहाली भो।
सन्सारमा प्यारो भयो रुखो र तीतो नै
मीठो बोली पनि यहाँ सबलाइ गाली भो।
चार जात छ्त्तीस वर्ण यो फूलबारी मा
गुन्डा,फटाहा हरु नै यहाँको माली भो।
शान्तिको देश भनेर नेपाल लाई भन्थे
देश लाई बिगार्ने त हामी नेपाली भो।
सगरमाथा चढ्दैछु आमा आशीर्वाद दिनु है
देशको नाम चम्काइ आउछु पीर नलिनु है।
शान्तिको सास फेर्नुस है बाबा यो हाम्रो झुप्रोमा
हजूरको आशिष् लागी पर्दिन हिउको थुप्रोमा।
सगरमाथा चढ्दैछु आमा •••••••••••••
सगरमाथा चढेर आउछु नाम पनि कमाउछु
नेपालको नाम विस्वमा राखी म पनि रमाउछु।
सगरमाथा चढ्दैछु आमा•••••••••••••••
गर्व छ मलाई नेपाली हुनुमा शिखर चुम्छु म
देशको लागि जे पनि गर्न तयार हुन्छु म।
सगरमाथा चढ्दैछु आमा••••••••••••••••
किन लाउनु माया,मायाले छल्छ भने
लाएको दुई दिनमै मुटु नै जल्छ भने।
त्याग,तपस्या हुन्छ चोखो यो मायामा त
आशा र विस्वासको खम्बा नै ढल्छ भने।
जूनी जूनी सम्म हुनु पर्छ माया त
आखिर यो भाग्यमा धोका नै फल्छ भने।
दुस्मन संग लडाइँ ,लुकेर भए जस्तो
पछिल्तिर बाट छुरा नै चल्छ भने।
पाँच सय मिटरको दौड होइन माया
लाएको एक क्षणमा शरीर नै गल्छ भने।
किन लाउनु माया मायाले छल्छ भने
लाएको दुई दिनमै मुटु नै जल्छ भने।
म मेरो जीवनको साथी खोज्दैछु
कहाँ छिन् ,कस्ती छिन् भनी सोच्दैछु।
काली छिन् कि गोरी ,केही था छैन
उनी संग भेट्घाट,चिन्जान् भा छैन।
म मेरो जीवनको ••••••••••••••••••
रुप रङ्ग होइन ,बुझ्ने चाहियो
गाउँ घर तिर बिझ्ने चाहियो।
म मेरो जीवनको •••••••••••••••••
ढिडो-गुन्द्रुक मन पराउने खालको
गुन्यु,चोली सारी लाउने खालको।
म मेरो जीवनको साथी खोज्दैछु
कहाँ छिन् ,कस्ती छिन् भनी सोच्दैछु।
तिमीले भन्यो भने बिसै पिइ दिउला
तिम्रो लागि मरेर पनि जिइ दिउला।
आँखामा आँसु आए मै पुछी दिन्छु
तिमीले खाने गाँस मै मुछी दिन्छु।
सुख होस तिम्लाई दुख लिइ दिउला
फाटेको भए तिम्रो मन सिइ दिउला।
तिम्रो जीतको लागि म हारी दिन्छु
आकाशको जून तारा पनि झारी दिन्छु।
चोखो जोवन तिम्लाई हासी दिइ दिउला
डुंगा जस्तै भएर म नै खिइ दिउला।
हातले दियौ इशारा मलाई काफी छ
मेरो जीवनको तिमी सङ्गै चाबी छ।
यो जिन्दगीको स्ट्रीङ तिम्रै हातमा छ
म त के हो र तिमी सबमा हाबी छ।
तर तिमी मेरै हौ अरुको होइन
तिम्रो जीवनमा मेरै मात्र दाबी छ।
हर क्षण हर पाइला होस गर प्रिय
तिमी माथी धेरको नजर पापी छ।
तिमी केबल मेरो जिन्दगीमा आउ
तिम्रो हरेक गल्तीमा मेरो माफी छ।
तिम्रो कल्कलाउदो जोवन मेरै हो
फक्रेको सल्बलाउदो यौवन मेरै हो।
तिम्रो रुपमा अरुको आँखा नलागोस
म बाहेक सबै टाढा टाढा भागोस।
तिम्रो त्यो चन्चले मन मेरै हो
फक्रेको सल्बलाउदो यौवन मेरै हो।
तिम्रो रुपमा म त पागल भइ सके
मन मनै म त तिम्रै भइ सके।
तिम्रो त्यो सुन्दर तन मेरै हो
फक्रेको सल्बलाउदो यौवन मेरै हो।
हरे दैव मलाई उनी जुराइ देउ
यो मनको धोको छिट्टै पुर्याइ देउ।
तिम्रो कल्कलाउदो जोवन मेरै हो
फक्रेको सल्बलाउदो यौवन मेरै हो।
अरुको बारेमा सुन्छु गुण-गान
आफ्नो बारेमा त सबै सुन-सान।
छाको देख्छु अरु सबैको मनमा
आफू त परियो सबको अनजान।
इमान्दार र सोझो,मेरो दोष भयो
दु:खी छु यसैमा छैन पहिचान।
तडकभडक भए सबले हेर्ने रछन्
सोझो लाई किन गर्छन् अपमान।
पढे लेखे पनि कुनै मूल्य छैन
सबले रोज्ने रैछन् राम्रो खान-दान।
अरुको बारेमा सुन्छु गुण-गान
आफ्नो बारेमा त सबै सुन-सान।
धरोधर्म तिमी मलाई मन पर्यो
तिम्रो त्यो रुपैले गर्नु सम्म गर्यो।२
तिम्रो जोवन देखेर फूल छर्न मन लाग्यो
तिम्रो यौवन देखेर सिउदो भर्न मन लाग्यो२
तिम्रो त्यो मुस्कान मलाई मन पर्यो
तिम्रो त्यो रुपैले गर्नु सम्म गर्यो।
तिमी नजिक हुँदा मलाइ जिउन मन लाग्छ
तिमी टाढा हुँदा झनै पिउन मन लाग्छ।२
परी जस्ती तिमी मलाई मन पर्यो
तिम्रो त्यो रुपैले गर्नु सम्म गर्यो।
जिन्दगीको पूल सङ्गै तर्न मन लाग्यो
तिमी सङ्गै जिउन अनि मर्न मन लाग्यो।२
सुन्दरताकी धनी मलाई मन पर्यो
तिम्रो त्यो रुपैले गर्नु सम्म गर्यो।
परी जस्ती मोरीको दर्शन पाए पछी
के के सपना बुन्न थाले भुइँमा थच्चा बसी२
धरोधर्म तिमी मलाई मन पर्यो
तिम्रो त्यो रुपैले गर्नु सम्म गर्यो।२
नक्कली मोरी,हिउँ झैँ गोरी
देखेर भयो मन चुलबुल
मुसुक्कै हास्दा भुत्तुक्कै हुन्छु
गुराँस जस्तै बैशको फूल।
अहै लडीबडी अहै,,
हासखेल गरौं ल है
पातली कम्मर लचक्क भाच्दा
मयूरको चाल जस्तो
कान्छीको आँखामा नियाली हेर्दा
च्छो रोल्पाको ताल जस्तो।
हुर्हुर दौतरी हुर्हुर,,
नगर कान्छी फुर्फुर
चौरी गाई, भेडा र च्याङ्ग्रा
संगै गीत गाइ हिन्दा
हिमालैको बन जङ्गलमा
अप्सरा सामू आइ दिदा
घुम्दे शेर्पीनी घुम्दे,
ओठले गालामा चुम्दे
आङ्गी र पाङ्देन लाएर हिन्दा
अकबरी सुन जस्तो
मसक्क मस्की म सङ्ग बोल्दा
कान्छी त मेरै हुन् जस्तो
भुइँ बस कान्छी भुइँ बस,,
माइतीमा धेरै नबस
सपना जस्तै मनकी रानी
छेच्यु मेलैमा भेट हुदा
बादलु सङ्गै हावामा उड्छु
कान्छीको मायाले मन छुदा।
नाच्यो मैच्याङ नाच्यो,
,कस्लाई जोवन साच्यौ
तिमी लाई देखेर रहरहरु पलाइदिन्छ
यो मनको आगोले यौवन जलाइदिन्छ।
तिमी सामू आउदा बेचैन हुन्च यो मन
त्यसै त्यसै बढी दिन्छ मुटुको धड्कन।
तिमी लाई देखेर आँखा पनि रमाइदिन्छ
यो मनको आगोले यौवन जलाइदिन्छ।
मर्न लाको आशा पनि फेरि बाची दिन्छ
पशु-पन्क्षी,जीव-जन्तु रमाइ नाची दिन्छ।
सज्जन भाको मान्छे त्यसै बौलाइदिन्छ
यो मनको आगोले यौवन जलाइदिन्छ।
रुन लाको लाचार म त्यसै हासी दिन्छु
छातीमा तिम्रो तस्वीर सङ्गै टासी हिन्छु।
तिमी लाई देखेर इच्छाहरु मौलाइदिन्छ
यो मनको आगोले यौवन जलाइदिन्छ।
तिम्रै रुपको चर्चा छ गाउँ घर, शहर
तिमी आए जीवनमा पुरा हुन्थ्यो रहर।
तिमी लाई देखेर रहरहरु पलाइदिन्छ
यो मनको आगोले यौवन जलाइदिन्छ।
माया गर्ने मुटुमा तीखो छुरा रोप्यौ
मेरो नाम मेटी कसको नाम खोप्यौ
मेरो माया बिर्सी अन्तै साट्यौ सुटुक्कै
निस्ठुरीकै यादमा आँसु पिए घुटुक्कै
मेरो गल्ती मनले तिमि लाई रोज्यो
के कम थियो ममा अर्कै लाई खोज्यौ।
तिम्रो माया सस्तो जता पनि खुसुक्कै
कहाँ पुग्यौ तिमी म त निदमा भुसुक्कै।
एक दिन तिमी पनि पागल हुनु पर्ला
मेरो चोखो माया सम्झी रुनु पर्ला।
तिम्रो झूटो माया मुटु खायो कुटुक्कै
निस्ठुरीको यादमा भए म त भुतुक्कै।
आज भोलि यस्तै चलन चलेको छ
साचो माया गर्नेकै मन जलेको छ।
सोझा र सीधाको अब दिन गयो
लूचा ,फटाहकै भाग्य फलेको छ।
देशद्रोही हरुले गर्याछन् मोजमस्ती
देशभक्त हरुकै ज्यान गलेको छ।
बाडी-चुडी खा'का छन् देशको ढुकुटी
पटक पटक केबल सत्ता ढलेको छ।
कर अनि भ्याट गरीब लाई लाग्छ
धनी ब्यापारीले कर छलेको छ।
हात मुख जोर्न धौ धौ गरीब लाई
जाली हरुको नै चुलो बलेको छ।
कोही भएन देश उपचार गर्ने
यो देश सिकिस्त भइ थलेको छ।
आज भोलि यस्तै चलन चलेको छ
साचो माया गर्नेकै मन जलेको छ।
पोल्छ छाती दुख्छ मुटु सम्झेर त्यो दिन
नरोइ बस्न सक्तिन म एकै छिन।
२ हजार ७२ बैशाखको बार्ह
दुःखको दिन भोग्नु पर्यो नेपालीले सारा।
पोल्छ छाती•••••••••••••••••••••••
हजारौंको ज्यान गयो भत्किए घर
कोही मरे हरे भन्दै गुहार गुहार।
पोल्छ छाती•••••••••••••••••••••••
हरे दैव कस्तो बिजोग देख्नु पर्यो
भुकम्पले नेपालमा गर्नु सम्म गर्यो।
पोल्छ छाती•••••••••••••••••••••••
काठमाडौ ,गोरखा अनि नुवाकोट
बेहाल भो सिन्धुपाल्चोक,दोल्खा चरिकोट
पोल्छ छाती•••••••••••••••••••••
यति मात्र कहाँ हो र धेरै ठाउमा
उद्धार गर्न सकिएन चाडो गाउमा।
पोल्छ छाती••••••••••••••••••••
यहीँ सालको २९बैशाख भयो उहीँ गति
घर हरु भत्काइ लग्यो बाकी भाका जति
पोल्छ छाती•••••••••••••••••••
पाल भित्र महिनौ बस्ने मन थिएन
त्यही माथी मौसमले पनि पनि साथ दिएन
पोल्छ छाती••••••••••••••••••••
त्यही माथी कोही पहिरोमा परे
सयौं जना नाङ्गै अनि भोक भोकै मरे।
पोल्छ छाती••••••••••••••••••••
प्रार्थना छ भगवान लाई अब यस्तो नहोस
नेपालीको आगनमा खुशीयाली छाओस।
पोल्छ छाती दुख्छ मुटु सम्झेर त्यो दिन
नरोइ बस्न सक्तिन म एकै छिन।
थामि दिन्छु प्रिय तिम्रा कोमल हात
म दिन चाहन्छु हर पलको साथ।
एक अर्काको साथ चाहिन्छ हामी लाई
गर्दिन जीवनमा कहिले नि घात।
चाहिदैन मलाई केही तिमी बाट
केबल गर प्रिय मीठा मीठा बात।
झूटो बाचा अनि , खान्न झूटो कसम
जिन्दगीमा तिम्लाई हान्दिन म लात।
केबल तिमी मलाई चोखो माया देउ
खटिरन्छु म त दिनमा अनि रात।
म गाउछु तिम्रो जीवनको गीतमा
म धून थप्छु है तिम्रो सङ्गीतमा ।
जीवनमा हार त कैले नि नहोस
खुशी छु सधैं तिम्रो नै जीतमा।
तिम्रो हर नौलो ती बिहानीमा
हुनेछु अटल ती थोपा शीतमा ।
मैन बत्ती बनी उज्यालो दिन्छु
सके नि सकोस म तिम्रो हीतमा।
जे भए पनि यो जीवनको रीत
हर अर्थ खोज्छु म तिम्रो प्रीतमा।
मेरो गाढा माया उनी लाई फिक्का भो
मेरो जीवन खोटो लागेको सिक्का भो।
हे जिन्दगी तिमी कमालै गर्छौ यार
आफैं सङ्ग गुनासो गर्दा नै ठिक्क भो।
यो ज्यान आज धर्ती लाई बोझ भैदियो
आफ्नो जीवन आफैं सङ्ग अब दिक्क भो।
नरोको दिन छैन नसम्झ्या क्षण छैन
आँखा वरि परि आशुको ढिक्का भो।
सम्झ्यो क्यारे आज निस्ठुरीले पनि
अचानक बाडुल्की हिक्क र हिक्क भो।
मेरो गाढा माया उनी लाई फिक्का भो
मेरो जीवन खोटो लागेको सिक्का भो।
कसैको नजर बाट गिरेको छैन
तिम्रो कमलो मुटु चिरेको छैन।
मेरो ज्यानै हाजिर छ तिम्रै लागि
तिमी बाट टाढा म फिरेको छैन।
तिमी लाई माया गर्छु यही सत्य हो
झुटको तक्मा कहिल्यै भिरेको छैन।
तिमी मेरो लागि हो म तिम्रो लागि
अरुको दिल भित्र छिरेको छैन।
अनमोल र पबित्र माया नै दियौ
तिम्रो मायाको ऋण तिरेको छैन।
कसैको नजर बाट गिरेको छैन
तिम्रो कमलो मुटु चिरेको छैन।
सधैं बाटो तर्की हिन्ने सानीले मार्यो
ओठ टोकी लजाउने बानीले मार्यो।
मन्द मुस्कान अनि ती नसालु आँखा
आँखाको भाकाले झनै नानीले मार्यो।
जून पनि छोप्न थाल्छ लाजले मुहार
होस उडाउने रुपैकी खानीले मार्यो।
यो दिलैको दरबारमा सजाउछु म
सुन्दरताकी धनी उही रानीले मार्यो।
मेरो प्रतिक्रिया नदिइ प्रेम प्रास्तावको
उनको दोधारे आना-कानीले मार्यो।
माफी पाइन्छ अन्जानमा गरेको गल्तीमा
यस्तै हुन्छ माया प्रेमको चलन चल्तीमा।
पेश गर्न सकिएन पत्र उनी सामू
ऐले सम्म थन्किरछ मेरो यो खल्तीमा।
ढिलो गएरै पुगिन्छ हतार गर्न हुन्न
यस्तै सोची गरिन केही नि जल्दीमा।
मान्छे बाट गल्ती हुन्छ कहिले काहीँ त
माफी दिने महान हुन्छ मान्छेको गल्तीमा।
माफी पाइन्छ अन्जानमा गरेको गल्तीमा
यस्तै हुन्छ माया प्रेमको चलन चल्तीमा।
भनि दिनु भेट भए मेरी उनी लाई
क्षणिक हैन माया गर्छु जूनी जूनी लाई ।
राम राम भन्छु म त भीरमा जानी लाई
जानी जानी यो तन बाट टाढा हुनी लाई।
बिर्सन कहाँ सक्छु र पैलो माया लाई
छेउ आइ यो मुटुको धड्कन सुन्नी लाई।
फर्की आउ जीवनमा फेरि नि स्वागत छ
मौका दिन्छु मेरो लागि धेरै रुनी लाई ।
एका देशमा म र उनी, राजा अनि रानी
सुम्पी दिन्छु दरबार सपना बुन्नी लाई ।
मैले माया तिम्लाइ गरेको कति भो
यो धर्तीमा जन्म लिएको जति भो।
म उस्तै दिवाना तिमी नि दिवानी
सबै भन्छन तिमी हरुको अति भो।
छेड-छाड हान्न थाले उडाए खुब खिल्ली
लैला-मज्नुन,रोम्यो -जुलेटको गति भो।
पिरती गासियो ,हास -खेल गरियो
हुन कि नहुन खै कस्तो मति हो।
समाजले दबाए हाम्रो पागल प्रेम लाई
तै भएर आज म तिम्रो पति भो।
दिलैको कोठामा तिमी अटाउछ्यौ
म सधैं तिम्रै हु ,किन घटाउछ्यौ।
मनकी रानी ठान्छु म तिमी लाई
मन बाट मलाई किन हटाउछ्यौ।
तिम्रै समिपमा हुन चाहन्छु
तिमी भने मलाई डाडा कटाउछ्यौ।
हाम्रो माया अटल,सधैं गाढा होस्
चोखो भाको माया किन फटाउछ्यौ।
आखिर म त हु नि तिम्रो नै मान्छे
भन प्रिय किन अरु पटाउछ्यौ।
दिलैको कोठामा तिमी अटाउछ्यौ
म सधैं तिम्रै हू ,किन घटाउछ्यौ?
सुहागरात्मा घुम्टो खोल्दा अति लजाउछु
कसम खाए तिम्रै नामको सिन्दूर लगाउछु।
रातो सारी,शीरमा सिन्दूर,गलामा पोते
यहीँ मेरो गहना हो, चुरा खन्काउछु।
मेरो मनको बह पोख्छु तिमी लाई नै
पुल्पुलिन्छु तिम्रो सामु, कहिले सताउछु।
तिमी नै हो मेरो जीवन, तिमी नै राजा
लुकाउदिन केही कुरा ,सबै सुनाउछु।
एकै छिन नभएमा मन रोइ दिन्छ
तिमी संग हुदा खेरी त्यसै अघाउछु।
सुहागरात्मा घुम्टो खोल्दा अति लजाउछु
कसम खाए तिम्रै नामको सिन्दूर लगाउछु।
अहो माया तिम्रो कति मीठो नाम छ
तिमी लाई देखि कति लामो जाम छ।
लट्ठै, पागल हुन्छन् सबै तिमी देखि
तिम्रो नाममा हजार चिट्ठीको खाम छ।
तर तिमी किन सार्है नै निस्ठुरी
सबैको गालामा कालो,नीलो डाम छ।
आउ प्रिय् एकान्त, केही बात गरौं
तिमी सीत मेरो एउटा ठूलो काम छ।
महलमा तिमी लाई राख्न नसकुला
तर तिम्रो लागि दुई चार रुपे दाम छ।
आउ बसौ सितलमा पिरती गासौ न
तिम्रो रुप बिगार्ने तातो,चर्को घाम छ।
हाम्रो माया केबल २दिने खेल भयो
मुटु दुख्यो च्वास्स आशुको भेल भयो।
कहाँ गल्ती भयो केही थाहा छैन
कुन्नि हाम्रो माया कसरी फेल भयो।
चोखो माया भए किन यस्तो हुन्थ्यो
माया मनको होइन तनको मेल भयो।
कसको आँखा लाग्यो यो हाम्रो मायामा
हाम्रो माया तोड्न जाल अनि झेल भयो।
कहाँ र कस्ती छिन खै उनी लाई त
मेरो जीवन गुडी जाने रक्सौलको रेल भयो।
