मुक्तक-१
सोचेको भन्दा अनौठो जिन्दगी रहेछ
चाहदै नचाहेको दिशामा बगी रहेछ
प्रगतिशील मार्गमा अगि बढ्नु पर्नेमा
आफैले आफैलाई मज्जाले ठगी रहेछ।
मुक्तक-२
सज्जन हरु पनि जाली भएर निस्कन्छन्
चरित्रहीन जस्तै खाली भएर निस्कन्छन्
पस्ने बेलामा सियो बनी पस्छन् दिलमा
निस्कने बेलामा फाली भएर निस्कन्छन्।
मुक्तक-३
जहाँ बस्यो त्यहीँ हुन्छ घर परदेशीको
कहाँ हुन्छ देश छोड्ने रहर परदेशीको
जति बेलै हुन सक्छ सपनाको दुर्घटना
जिन्दगीको छैन कुनै भर परदेशीको।
माङ दोर्जे शेर्पा
माली-३,दोलखा
No comments:
Post a Comment