मीठो परिकार

एकदिन म एउटै कलेज पढेको एकदमै मिल्ने साथीले कर गरेकोले उसको घर गएको थिए।घरमा पुग्दा भाउज्युले मलाई अति नै मनपर्ने मीठो परिकार पकाइसक्नुभएको रहेछ।पेटमा मुसा पनि जोडले कुदिरहेकोले जोडले दबाउछु भन्ने सोचेर खानको लागि तम्तयार भएर बसे। खाना पस्कने क्रममा खै किन हो भाउज्युको मुहार एक्कासी ग्रहण लागे जस्तो भयो।म पनि के कम-जुरुक्क उठ्दै भने-"ऐया•••••••कस्तो पेट दुख्यो मलाई के भाको हो। सरी है साथी,मलाई बिसन्चो भयो,फेरि कुनै दिन आउछु,नरिसाउ न है!भाउज्यु म पछि आउछु।अहिले म जान्छु।"
घर निकै टाढा भएकोले म सरासर एउटा क्याफेमा छिरे।