धर्ती हुँ म पवन भई झुमी देउ तिमी
आकाशको बादल झैं डुली देउ तिमी
दु:ख पर्दा आँसु मेरो पुछी देउ तिमी
मुना हुँ म मदन भई खुशी देउ तिमी।
पर्खाईमा हुन्छु सधैं तिम्रो स्पर्शको
आतुर भईरहन्छु म मीठो चुम्बनको
फूल हुँ म भमरा भै चुमी देउ तिमी
मुना हुँ म मदन भै खुशी देउ तिमी।
म बाँचेको धरातल सुख्ख र बाँझो छ
मरुभूमि जीवनमा सिंचाइको खाँचोछ
जमिन हुँ वर्षा बनी बर्सी देउ तिमी
मुना हुँ म मदन भै खुशी देउ तिमी।
No comments:
Post a Comment