अचेल युवा,स्वतन्त्र यौन,उदार खोजियो
बिहेमा भने जीवन-साथी कुमार खोजियो।
डराई बस्यो, पत्थर जब, तोडिने बेलामा
नगरी दु:ख,सहज बाटो,जुहार खोजियो।
थर्काई नेता,ब्यर्थमा खेर,समय फालेर
राष्ट्रमा बडो अनौठो खाले सुधार खोजियो।
नसुने जस्तो,नदेखे जस्तो,गरेर दैवले
दायित्व आफैं बिर्सेर अझ पुकार खोजियो।
अचेल स्वार्थी भएर कठै ग्राहक-ब्यापारी
भाउमा कौडी,किसानी फल,जुनार खोजियो।
No comments:
Post a Comment