मेरो चोखो माया लाई शरीरको मेल सम्झ्यौ
मनोरंजन मा खेलिने दुई दिने खेल सम्झ्यौ।
जाने बेला गयौ तिमी मेरो बारे नसोचेर
आज दु:ख पाएर त मलाई अचेल सम्झ्यौ।
मैले भने युगौ युग नतोडिने नाता गासौ
पवित्र सम्बन्धलाई जन्जिर र जेल सम्झ्यौ।
झलमल हुँदा खेरी बिर्सी दियौ यो दुनियाँ
बलिरहेको त्यो दियो निभे पछि तेल सम्झ्यौ।
कुनै स्वार्थ थेन ममा,तिम्रै भलो म चाहन्थे
कुन अर्थमा हेर्यौ मलाई जाल र झेल सम्झ्यौ।
No comments:
Post a Comment