सिंगो देश टुक्राउन जातको कुरा नगर
मिलेर जुट्ने बेला औकातको कुरा नगर।
जुनै पार्टी आए पनि के नै गरेको छ र
जनतालाई फुटाउने बादको कुरा नगर।
नशा द्धारा लट्ठिएर सुत्ने बेला होईन
जुर्मुराई उठ्ने बेला मातको कुरा नगर।
जाल र झेलले यहाँ कसैको भलो हुन्न
हात्तीको त्यो देखाउने दातको कुरा नगर।
हामी सबै नेपाली हौं, को भनेर नसोध
सोचे सबै आफन्त,अज्ञातको कुरा नगर।
No comments:
Post a Comment