गौथली नहुदा आकाश शून्य भयो
सुस्त सुसाउने बतास शून्य भयो।
बिदेशिए सबै गाउँका ठिटा हरु
टोल थर्काउने बदमास शून्य भयो।
फर्केछ लाहुरे कोसेली लिएर
हितैकी मायाको निराश शून्य भयो।
पर-निर्भर भयौं सम्पुर्ण कुरामा
स्वदेशमा खोज-तलास शून्य भयो।
बिदेशी हावाले उडायो संस्कृती
शुद्ध र असली बिन्दास शून्य भयो।
धोका भन्ने चीज खतरनाक हुन्छ
माया,पिरतीको आभास शून्य भयो।
मनै लोभ्याउने फुल झरे पछि
गुराँसमा पनि सुवास शून्य भयो।
No comments:
Post a Comment