निर्मोहीको यादआउँछ गीत सुन्दा खेरी
आँखा त्यसै रसाउछ गीत सुन्दा खेरी।
खिचेकोछु त्यही तस्वीर मुटुको माझमा
तस्वीर आफैं बताउछ गीत सुन्दा खेरी।
अतीतको ज्वालामुखी बिस्फोटन भएर
छाती त्यसै फटाउछ गीत सुन्दा खेरी।
मुटु दुख्ने मेरो मात्र हो कि यति बेला
अरु त मुस्कुराउछ गीत सुन्दा खेरी।
यो 'माङ'को कहानी त गीत संग मिल्दा
यो केटोले नि गाउँछ गीत सुन्दा खेरी।
No comments:
Post a Comment