यो छातीमा मात्र किन बज्रपात हुन्छ
आफ्नै मान्छेबाट यहाँ बिस्वासघात हुन्छ।
झिलिमिली उज्यालो यो पुर्णिमामा पनि
मेरो लागि औसी सरी कालो रात हुन्छ।
पछि बाट तीखो छुरा प्रहार गर्नेको
सामू भने कति चिप्लो मीठो बात हुन्छ।
अध्यारोले घेरे पनि मेरो चारै तिर
आश मरेको छैन भोलि त प्रभात हुन्छ।
तानाशाही मानसिकता भाको ब्यक्ति भन्छ
अपराधी र ज्यानमारा जन्मजात हुन्छ।
No comments:
Post a Comment