निस्ठुरीलाइ बल्ल तल्ल भुले जस्तो लाग्छ
धेरै पछि आज आँखा खुले जस्तो लाग्छ।
लटरम्म फलेको त्यो मंसिरे धान भित्र
कुन पापीले गाई-बस्तु हुले जस्तो लाग्छ।
कैले ह्वात्तै बढी दिन्छ, कैले घटी दिन्छ
नक्कलीको भाउ फेरि चुले जस्तो लाग्छ।
मध्य-राती सबै सुत्दा मुखौटा लगाई
इज्जत लुट्ने पल्लो घरकै ठुले जस्तो लाग्छ।
फुलै फुल डुली हिड्ने म लोभी भमरा
कोमल फुल मेरै लागि फुले जस्तो लाग्छ।
No comments:
Post a Comment