दिनै मान्छेको चाहना अधिक हुँदै जान्छ
अनेकौं गति-विधिमा सरिक हुँदै जान्छ।
अनौठो जिन्दगीको रहस्यमय कथा
जति पढ्यो उति धेरै मार्मिक हुँदै जान्छ।
जतिसुकै उतारचढाव आए पनि आओस्
नआतिनु,ती सबै कुरा ठिक हुँदै जान्छ।
प्रकृतिको नियम यस्तो बनाइएको छ
चोखो माया नि बिस्तारै भौतिक हुँदै जान्छ
पढी दिनु, सुनी दिनु "माङ"को पनि गजल
सिकारु नै थिए अब मौलिक हुँदै जान्छ।
No comments:
Post a Comment